სასწავლო პროექტი - კონკრეტული პრობლემის გადაჭრის
ან ინიციატივის განხორციელებისკენ მიმართული მრავალფეროვანი სამუშაოა, რომლის
დროსაც ვითარდება კვლევითი, შემოქმედებითი, თანამშრომლობისა და საკომუნიკაციო
უნარები. პროექტით სწავლება აქტიური და მიზანმიმართული სწავლის საშუალებას იძლევა.
მოსწავლეები მუდმივად სვამენ შეკითხვებს: რატომ
გვასწავლით ამა თუ იმ საკითხს? რაში გამომადგება ეს ცოდნა? ამ კითხვებზე
დამაჯერებელი პასუხის გაცემაში სასწავლო პროექტში
მოსწავლეების ჩართვა დამეხმარა. პროექტზე მუშაობის დროს რეალური პრობლემის
გადაჭრისას მოსწავლეებმა შეძენილი ცოდნა და უნარ-ჩვევები გამოიყენეს პრაქტიკაში. პროექტით სწავლებამ აამაღლა მოსწავლეთა მოტივირება და გაზარდა მათი პასუხიმგებლობა. ისინი ხალისით ასრულებდნენ სამუშაოებს, მაშინაც კი, როდესაც მათი
შესრულება ხანგრძლივ ძალისხმევას მოითხოვდა.
როდესაც ამ პროექტზე მუშაობა შევთავაზე მოსწავლეებს, ჩემი მიზანიც ეს იყო: განვითარებოდათ გაკვეთილზე მიღებული ცოდნისა და გამოცდილების რეალურ ცხოვრებაში გამოყენების უნარ-ჩვევები. პროექტზე მუშაობის დაწყებამ ნათელყო,
რომ ჩემსა და მოსწავლეების წინაშე სრულიად ახალი ამოცანები დადგა, რომლებიც არსებითად განსხვავდებოდა ტრადიციული გაკვეთილისგან, რადგან პროექტით სწავლება გულისხმობს სკოლისგარეშე დაწესებულების
ჩართვას სასწავლო პროცესში. პროექტგაკვეთილმა მომცა შესაძლებლობა სრულად წარმომეჩინა ჩემი აღმზრდელობითი და პროფესიული
კომპეტენცია როგორც პარტნიორს. ამ პროექტის მიმდინარეობისას მხოლოდ კონსულტანტის როლს ვასრულებდი, ვხელმძღვანელობდი სამუშაოებს, ძიებისა და კვლევის დროს
მოსწავლეებს მიმართულებას ვაძლევდი. ასევე, ვუთითებდი საინფორმაციო
წყაროებს.
სამუშაოს დაწყებისას შევთანხმდით ერთმანეთთან ურთიერთობის ფორმებზე; პროექტგაკვეთილის მიზანზე, აქტივობებზე, მუშაობის პირობებზე, სავარაუდო შედეგებზე; შეფასების კრიტერიუმებზე, გადაწყდა, რომ დაკვირვებისა და ანალიზის ობიექტი შეფასებისას იქნება:
- ინფორმაციის მოძიება და ორგანიზება;
- პრეზენტაციის უნარი;
- მსჯელობა;
- წერითი სამუშაო.
მოსწავლეებმა კარგად გაართვეს თავი სამუშაოს, ჩვენი თვითმიზანი არ ყოფილა დაწვრილებითი და ამომწურავი ინფორმაციის შეგროვება დედოფლისწყაროს შესახებ, დასახულ მიზანს კი, ჩემი აზრით, მივაღწიეთ და ყველა ის უნარ-ჩვევა, რომლებსაც ბავშვები გაკვეთილზე იღებენ, პრაკტიკულად გამოიყენეს და განიმტკიცეს. პროექტის დასრულების შემდეგ მათ შეავსეს შეფასებისა და თვითშეფასების სქემები.
გთავაზობთ რამდენიმე მათგანს:
·
Комментариев нет:
Отправить комментарий